AUEN RAP - Не пайда

Көгілдір көлден не пайда, жағасы жайсыз жар болса?
Суы ашық, балығы аз, жиегі тайыз, тар болса.
Көк аспаннан не пайда, көгінде күн күлмесе?
Қыздар жиған мақтадай, ақ шабылтар жүрмесе.
Биік таудан не пайда, шыңында қар жатпаса?
Сылдырап аққан тау суын, сүйсініп балдай татпаса.
Шайқалған талдан не пайда, жемісін жазда татпаса?
Шаршап бір келіп жұмыстан, саясында жатпасаң.
Жарық күннен не пайда, үйіңде таңың атпаса?
Бұл өмірде қызық не, бала-шағаң шуламаса.
Байлықты жиған не пайда, артыңда ұрпақ қалмаса?
Түнекіңді бөлгізген, сәбидің қолың талмаса.
Ер жігіттен не пайда, еліне қорған болмаса?
Елін-жарын, туғанын, қадірден сақтап қалмаса.
Ердің бағасы сөзінде емес, Ердің бағасы сөзінде емес.
Аталы ұлдан не пайда, баталды сөзді ұқпаса?
Ақылынан адасып, үлкенді үлгі тұтпаса.
Бір туғаннан не пайда, бірлігі оның болмаса?
Ыстыққа бірге күйісіп, суыққа бірге тоңбаса.
Ағайыннан не пайда, көре алмай сені күндесе?
Фәнидің жалған екенін, тірлікте ойлап білмесе.
Сансыз достан не пайда, жаныңды сенің сезбесе?
Шындықты бірге іздесіп, қиындыққа бірге түзбесе.
Жастық шақтан не пайда, жалындап бір жанбаса?
Айлы түнде құдырет, махаббатқа қанбаса.
Кәріліктен не пайда, қартайып қызық көрмесе?
Асырап баққан ұл-қызың, қадіріңді білмесе.
Сұлу жардан не пайда, тірлікте ісі болмаса?
Іздеп бір досың келгенде, иіліп төсек салмаса.
Көп білгеннен не пайда, пайдасыз іште сақтасаң?
Жастарды жиып қасыңа, білгеніңді айтпасаң.
Білімнен не пайда, бөліспесең?
Байлықтан не пайда, із қалдырмасаң?
Өмірден не пайда, адам болып өтпесең?