Melody Mesh - Zorimiz bor

Ko'p bo'lsak-da biz notavon
Eshiklarda biz sargardon
Arzimiz ko'p butun jahon
Zorimiz bor zo'rimiz yo'q

Dod deymiz-ku yo'qdir guvoh
Boshimizda yo'qdir panoh
Bizda yo'q-ku ayb-u gunoh
Dodimiz bor dodxohi yo'q

Yig'imiz ko'p xuddi daryo
Tunlar bo'yi bir tavallo
Osmonga-ku yetdi duo
Nidomiz bor sadosi yo'q

Yaramiz ko'p yo'qdir malham
Dardimiz bor butun olam
Ko'z yoshini artgan odam
Dardimiz bor dardkashi yo'q

Zo'rga ham bor bordir zavol
Taxt omonat kursi xayol
Mayna qilsa aytma uvol
Zorimiz bor zo'rimiz yo'q

Zo'r kerakmas kerak inson
Kuch emas-ku bitta imkon
Zorga bergan zo'rdir hamon
Qurbon aytdi bo'lmas armon